![<span class=" font-weight-bold" data-lab-font_weight_desktop="font-weight-bold">VONAR PÅ GOD REKRUTTERING:</span> Dekan Arne Myklebust vonar det nye nettstudiet ved Høgskulen i Volda vil føre til god rekruttering.](https://image.nernett.no/114868.webp?imageId=114868&x=12.87&y=22.51&cropw=83.67&croph=57.59&width=968&height=500&format=jpg)
No kan du studere religion og kultur på nett
Frå hausten av blir det mogleg å ta bachelorgrad i religion og kultur ved Høgskulen i Volda. Dekan ved avdeling for humanistiske fag og lærarutdanning, Arne Myklebust, vonar nettstudiet vil hjelpe med å rekruttere nye studentar til høgskulen.
VOLDA: "Utdanninga er nettbasert og handlar om spørsmål og problemstillingar som er aktuelle i samfunn prega av religiøst og kulturelt mangfald".
Dette står i programskildringa av det nye bachelorprogrammet ved Høgskulen i Volda. Det er ein bachelor i religion og kultur det er snakk om. Og undervisninga vil gå føre seg på nett.
– Me vonar at eit nettstudium skal rekruttere betre. Me har hatt ein bachelor i religion, som me førebels har måtte leggje på is som eit campusstudium. Årsaka var for få søkjarar, fortel Myklebust.
Kan brukast til mykje
![<span class="font-weight-bold" data-lab-font_weight_desktop="font-weight-bold">NYTT STUDIEPROGRAM:</span> Til hausten blir det oppstart på eit nytt studium ved avdeling for humanistiske fag.](https://image.nernett.no/114879.webp?imageId=114879&x=0.00&y=14.45&cropw=100.00&croph=80.47&width=928&height=562&format=jpg)
Studiet er allereie ferdig utvikla. No står det berre att å få på plass alt rundt.
– Studiet vil passe for folk som har interesse av å setje seg inn i feltet med religion og kultur. Dette er ein bachelor, så det er eit omfattande studium som du kan utvikle vidare i ulike retninger, fortel Myklebust.
Studiet kan passe for mange, ifølge dekanen. Han dreg fram at utdanninga kan vere aktuell for folk som vil jobbe med undervisning, eller i anna arbeid med folk som kjem frå forskjellige religionar eller kulturar.
– Dette med religions- og kulturforståing er viktig for mange forskjellige jobbar.
Oppstart på studiet er no i haust, og du søkje gjennom samordna opptak.