![Illustrasjonsbilde](https://image.nernett.no/172433.webp?imageId=172433&x=0.00&y=8.65&cropw=100.00&croph=85.51&width=960&height=548&format=jpg)
Trur sykkelkampanje kan gi deg lenger liv
I heile oktober kan du vere med på kampanjen "Sykle til jobben". Det kan gjere helsa di betre.
Solveig Norengen Hatlevoll skreiv sin doktorgradavhandling om helseeffektane ved å sykle til jobb. Ho meiner kampanjen er viktig.
— Den kan motivere til meir fysisk aktivitet.
Hatlevoll fortel at voksne som ikkje er i tilstrekkelig fysisk aktivitet har auka fare for ulike sjukdommar og psykiske lidingar.
— Kampanjen kan fungere som eit forebyggande tiltak og forbedre fysisk helse. Transporten til og fra jobb har eit kjempepotensiale for fysisk aktivitet. Ein bør nytte anledninga til å vere i aktivitet.
![FORSKER: Solveig Nordengen Hatlevoll har forska på helseeffektane av å sykle til jobb](https://image.nernett.no/172525.webp?imageId=172525&x=0.00&y=15.37&cropw=100.00&croph=65.85&width=960&height=846&format=jpg)
Ikkje så mykje som skal til
— Ein trenger ikkje å sykle så mykje eller ofte. Innimellom er bra nok, men jo meir jo bedre, seier Haltevoll
Det har fleire positive effekter å sykle til jobb. Hatlevoll fortel at i ytterste konsekvens kan det føre til at du lever lenger.
— Det vil og kunne redusere risikoen for hjarte- og karsjukdommar som hjarteinfarkt. Høg nok intensitet på syklinga kan forbedre fysisk form og kondisjon.
Effekten er omtrent lik på vanlege syklar og el-syklar.
— Har du høg nok intensistet vil det ha ein liknande effekt på el-sykkel, seier Hatlevoll.
Ho fortel at det er eit problem at vaksne folk sit for mykje stille.
— Det er ei bekymring både i Norge og i resten av verda. Det er vesentleg å få endre på det.
Ulstein med i kampanjen
Prosjektet har fleire deltakarar på Søre Sunnmøre. Ein av kommunane som er med er Ulstein. Det vil si at kommunen sponsar deltaking i prosjektet for innbyggarane sine. Det er dermed gratis for alle som bur eller jobbar i Ulstein kommune å delta. Sponsinga er eit samarbeid med fylkeskommunen.
Ansvarleg for prosjektet i Ulstein kommune, Vegard Ertesvåg, seier det er ein god kampanje. Han er tydeleg på at kampanjen gjelder all form for fysisk aktivitet, tross navnet.
— Det er ein aktivitetskampanje. Den har holdt på i 50 år, og er utvida til å gjelde all aktivitet, enten det er å sykle, gå fjelltur eller hoppe på trampoline.
Han understrekar og at fysisk aktivitet på fritida og er ein del av kampanjen. Den gjeld altså ikkje berre turen til og frå jobb lenger.
![AKTIV SYKLIST: Vegard Ertesvåg er ansvarleg for kampanjen i Ulstein kommune](https://image.nernett.no/172431.webp?imageId=172431&x=0.00&y=27.88&cropw=100.00&croph=56.51&width=960&height=606&format=jpg)
Positivt for helsa og miljøet
Ertesvåg fortel at kommunen har fleire grunnar til å delta i prosjektet.
— Det er eit godt tiltak for folkehelsa, for å få folk til å droppe bilen og heller sykle eller gå til jobb. Det er å ein fin kampanje å ha no. Hausten er ei tid på året der det er typisk at folk heller vil sitte inne. Kampanjen kan gi ekstra motivasjon til å være i aktivitet.
Miljø er og eit fokus i kampanjen, fortel Ertesvåg.
— Ja, absolutt. Det er jo positivt for klima og miljø om folk lar bilen stå.
Han er og med i kampanjen som privatperson:
— Det er god motivasjon til å yte litt ekstra.
Ertesvåg forteller om eitt spesifikt mål kommunen har for kampanjen:
— I vårkampanjen hadde kommunen 98 deltakere. Å bikke 100 deltakarar er eitt naturleg mål.