Det verste har gitt seg: – Helga som kjem blir betre
Søre Sunnmøre har hatt ei regntung helg. No lovar meteorologen betre vêr.
VÊRET: I helga var det gult farevarsel for flaum, samt oransje varsel for skred på Søre Sunnmøre.
No skal det verste ha gitt seg, meiner meteorologen.
– Det blir litt regn resten av veka, men den verste nedbøren har gitt seg, seier vakthavande meteorolog ved meteorologisk institutt, Emili Carin Rønning.
Ho fortel at det ikkje er store lokale forskjellar. Det regnet som kjem vil ikkje vare lenge av gongen.
– Det vil kome litt forbipasserande regn no på onsdag, men det flytter seg raskt nordover, fortset ho.
– Kva med helga?
– Det kjem kanskje noko regn på laurdag og søndag, men det er ikkje heilt sikkert. Stort sett blir det opphold, understrekar meteorologen.
– Ikkje noko dramatisk
Fredag sende Norges vassdrags- og energidirektorat (NVE) ut gult farevarsel for flaum.
Erik Holmqvist er vakthavande ved NVEs flaumvarsel.
– Det gule varselet står til i morgon tidleg, men faren avtar i løpet av mandagen, slår han fast.
Han seier at flaumtoppen dei aller fleste plassane på Sunnmøre har passert. Situasjonen for flaum var heller aldri veldig alvorlig.
– Gult er det lågaste varselnivået. Det har vore mykje vatn i små bekkar og liknande, men ikkje noko dramatisk, påpeiker han.
Skredvarselet for regionen var eit nivå høgare, nemleg oransje.
I liksap med flaumvarselet, avtar skredfaren no.
– For augneblinken er jordskredfaren gul på Sunnmøre. I morgon ser vi ingen grunn til å sette den på grøn, seier jordskredvarslar for varsom, Ida Svendsen.
Ho seier at det i helga var høg vannmetning i jorda grunna regnet, men at det no avtar.
