- Som forventa
- Har ikkje dukka ned i tala enno, men overordna er det som forventa.
VOLDA: Det fortel rektor ved Høgskulen i Volda, Odd Helge Mjellem Tonheim til Nærnett. Regjeringa foreslår å gi 459,2 millionar til Høgskulen i Volda. Dette er 9,3 millionar meir enn i fjor.
- Det er ein auke i reine kroner, men målt i reelle inntekter er det ein liten nedgang.
Det fortel rektoren og peikar på ein auke i lønns- og prisvekst. Samtidig fortel Tonheim at han ikkje er overraska, med tanke på at ekstra midlar som dei fekk i samband med Covid vert utfasa.
- Vi jobbar med å gå igjennom forslaget og sjå på tala.
Seinare onsdag vil det kome ei pressemelding på Høgskulen sine sider om korleis skulen stillar seg til forslaget til statsbudsjettet, fortel rektoren.