To frå Søre Sunnmøre på landslaget
Trass i lite speletid for RB Leipzig i Tyskland er Ørjan Nyland frå Volda, eit klart førsteval som keeper til EM-kvalifiseringa.
Tysdag tok landslagssjef Ståle Solbakken ut troppen til EM-kvalifiseringa.
Dei to andre keeperane som er tatt ut til landslagssamling er Jacob Karlstrøm (Molde) og Egil Selvik (Haugesund).
Noreg sitt herrelandslag byrjar jakta på kvalifisering til sitt første EM-sluttspel sidan 2000 i Malaga mot Spania 25. mars. Tre dagar seinare vert det kamp mot Georgia.
Noreg er òg i gruppe med Skottland og Kypros.
Storspel i Meisterligaen
Fredrik Aursnes, frå Hareid, vart òg tatt ut til troppen etter storspel for Benfica i Portugal og i Meisterligaen. Det er store forventningar til mykje speletid for hareidingen på midtbanen til landslaget i dei komande kampane.
