Omkom i Rotsethorntunnelen
Ein person omkom i ulukka i Rotsethorntunnelen torsdag kveld.
Publisert
Sist oppdatert
VOLDA: Politiet meldte i går kveld om ei ulukke i Rotsethorntunnelen i Volda.
Ein person omkom i ulukka, og dei næraste pårørande er varsla.
VIDEO: Sebastian Lerpold
– Ulukka skal ha skjedd rundt to kilometer inne i tunnelen, fortel innsatsleiar Odd-Arne Brynjulfsen.
Mannskap frå alle naudetatane vart sendt ut. Det er snakk om ei svært alvorleg ulukke, med stor skade på bil og infrastruktur.
– Det er meldt om røykutvikling og gassar inne i tunnelen. Det har gjort til at vi i politiet ikkje får tilgang til tunnelen.
Det vart ikkje meld om flammer
Tunnelen var stengt heile natta. Statens vegvesen har arbeidd med å sikre omkøyringsruter. Fergesambandet Volda-Folkestad gjekk utover natta.
Ulukkesgruppa til Statens vegvesen og kriminalteknikarar arbeida heile natta for å finne årsaka til ulukka, ifølgje operasjonsleiar Ragnvald Rasmussen.
Statens vegvesen reknar med at tunnelen kan opne igjen klokka 17 fredag. Det er omkøyring via ferje til Folkestad inntil vidare.
