Aursnes med "FC-vurdering" på 80
På det nye spelet, FC26, er det fire spelare frå Søre Sunnmøre. Fredrik Aursnes og Ørjan Nyland er best.
VIDEOSPEL: Kvart år lanserer EA Sports eit nytt fotballspel. 26. september kjem årets utgåve, nemleg FC26. For mange er dette spelet kanskje betre kjent som Fifa, som det heitte tidlegare.
Alle fotballspelarane på spelet, får ei totalvudering mellom 0 og 100.
Søre Sunnmøre er i år representert med fire spelarar.
- Ei god spredning med spelarar som både spelar i Noreg og utlandet. Det er flott å sjå søre Sunnmøre på FC26, fortel Johan Færaas.
Johan Færaas er betre kjent som "Johans" på Youtube. Med over 50.000 abonnentar publiserer han videoar der han speler FC-spelet.
- Søre Sunnmøre sin Beckham
Benficaspelaren Fredrik Aursnes, frå Hareid, er den høgast vurderte spelaren frå Søre Sunnmøre. Han har fått ei totalvurdering på 80 av 100.
- Hurtigheit er alltid viktig på spelet, og i år er det kanskje viktigare enn tidlegare, fortel Færaas.
Han åtvarar likevel mot å undervurdere Aursnes, som har 74 i tempo.
- Benficaspelaren er god på alt. Med den pasningsfoten, vil eg påstå at dette er Søre Sunnmøre sin David Beckham, konstaterar Færaas.
Nest øverst på denne lista, finn vi voldingen Ørjan Nyland. Sevillaspelaren har fått ei totalvurdering på 76.
Begge dei to utanlandsproffane har same vurdering som ved forrige utgåve av videospelet.
- Med målvakter er det alltid litt usikkerheit rundt kor gode dei er, der har tilfelidgheiter mykje å seie. Det som skil Nyland frå dei andre, er hans svake fot som er vurdert til fire av fem stjerner.
- "Grå hår i barten"-tendensar
Frå ein volding til ein annan. Martin Ove Roseth, som til vanleg spelar i Viking, har fått ei auke frå forrge utgåve.
Han har no ei vurdering på 66, ei auke på én.
- Det er tendensar til litt grå hår i barten av Roseth. Når det gjeld FC-spelet så er det ikkje mykje å hente her.
Med grå hår i barten meiner Færaas at det ikkje er mykje spennande å hente her.
Eliteseriekollega Daniel Eid er frå Ulsteinvik. Han spelar til vanleg i Fredrikstad.
Han har fått ei totalvurdering på 68. Det er to opp frå spelutgåva i fjor.
- Det er litt grå hår i barten tendenser hos Eid òg. Eg saknar at EA har anerkjent hans lange innkast. Eg saknar eit langkast+ hos han. Da kunne han vore ein kandidat til benken som ein kan bytte inn på seint i kampar, fortel Færaas.
Skulle Johans spelt med landslaget, er det to kandidatar som hadde vore superaktuelle.
- Nyland og Aursnes er nokon ein må ha dersom ein skal ha eit Norge-lag på spelet, avsluttar FC-entusiasten.
